पुस २० गते , डोटी : डोटीको एक घरमा आगलागी भएको छ। जिल्लाको बोगटान फुड्सिल गाउँपालिका–२ घाटहाल्नाका भीमबहादुर बोहराको खरले छाएको घरमा आगलागी भएको हो।
जिल्ला प्रहरी कार्यलयका प्रहरी नायब उपरीक्षक भिमलाल भट्टराईका अनुसार आगलागीबाट घरभित्रका भाँडावर्तन, लत्ताकपडा, खाद्यान्न, काठ फर्निचर जलेर घर पूर्णरुपमा क्षति भएको छ। आगलागीबाट ४ लाख रुपैयाँ बराबरको क्षति भएको अनुमान गरिएको छ। खाना पकाउने क्रममा चुलोबाट आगो सल्किएर आगलागी भएको उनले बताए ।
शनिबार आगलागी भएको घरमा पुगेर तत्काल पाल,खाध्यन्न सामग्री वितरण गरेको उक्त वडाका वडा अध्यक्ष भरत बमले बताए ।
पालिकाको विपत कोषबाट पनि उहाँलाई सहयोग गर्ने कुरा अगाडी वढेकाे अध्यक्ष बमले बताए ।
