दीपेन्द्र खड्का,कार्तिक ३० गते ,डोटी :डोटीको पुर्वीचौकी गाउँपालिकामा मुख्य निर्वाचन अधिकृतको कार्यालय स्थापना गरिएको छ । मङ्सिर १६ गते हुन लागेको उप निर्वाचनका लागि शुक्रवार गाउँपालिकाको वडा नं.६ गाजरीमा कार्यालय स्थापना गरिएको जिल्ला निर्वाचन कार्यालयकाका निमित्त कार्यालय प्रमुख लक्ष्मी राज उपाध्यायले बताए ।
पुर्वीचौकी गाउँपालिकाका अध्यक्ष रामप्रसाद उपाध्यायको अध्यक्षतामा भएको कार्यक्रममा मुख्य निर्वाचन अधिकृत रुद्र मणि गिरी,प्रमुख जिल्ला अधिकारी मोहनराज जोशी,सुरक्षा निकायका प्रमुख तथा प्रतिनिधि,पालिकाका जनप्रतिनिधि ,कर्मचारीको उपस्थितिमा औपचारिक रूपमा कार्यालयको स्थापना गरिएको छ ।
पालिकाको वडा नं.६ का वडाध्यक्ष पुष्पराज जोशीको २०७९ मङ्सिर १४ गते निधन भएपछि उक्त रिक्त पदमा उपनिर्वाचन हुन लागेको छ । १५९२ मतदाता रहेको वडामा २ वटा मतदान स्थल रहेका छन् ।
