भदौ ८ गते ,डोटी : डोटीमा सर्पले डसेर एक महिलाको मृत्यु भएको छ । जिल्लाको आदर्श गाउँपालिका – १ बाँझ बस्ने धन बहादुर खड्काकी श्रीमती २७ वर्षीया निर्मला खड्कालाई शनिवार दिउँसो १ बजे तिर घर नजिकै खेतमा घाँस काट्ने क्रममा बायाँ खुट्टामा डसेर घाइते भएकी जिल्ला प्रहरी कार्यालय डोटीका प्रहरी नायब उपरीक्षक भिमलाल भट्टराईले जानकारी दिए ।
सर्पले डसी घाइते भएकी खड्काको उपचारका क्रममा जिल्ला अस्पताल डोटीमा शनिवार (आज) साँझ ६ बजेतिर मृत्यु भएको प्रहरी नायब उपरीक्षक भट्टराईले बताए ।
