साउन १८, डोटी :डोटीमा गोली लागेर एक जनाको मृत्युभएको छ । जिल्लाको पूर्वीचौकी गाउँपालिका– ६ गाँजरीका ३० वर्षीय अमर थापाको मृत्यु भएको प्रहरीले जनाएको छ ।
शुक्रवार बिहान ११ बजेतिर सामुदायिक वनमा गोली लागेर थापाको घटना स्थलमै मृत्यु भएको प्रहरी नायव उपरीक्षक भिमलाल भट्टराईले जानकारी दिए ।
सामुदायिक वनमा सिकार खेल्न गएका थापाको गोली लागेर मृत्यु भएको भन्ने प्रारम्भिक जानकारी आएको भट्टराईले बताए । घटनाका विषयमा थप स्थलगत अनुसन्धान भइरहेको उनले बताए ।
