असार २३ गते ,धनगढी:सुदूरपश्चिम प्रदेशका मुख्यमन्त्री दिर्घबहादुर सोडारीलाई वर्तमान गठबन्धन दलले मार्गप्रस्त गर्न आग्रह गरेको छ । आइतबार एक विज्ञप्ती जारी गर्दै मुख्यमन्त्री सोडारीले पदबाट राजिनामा दिइ अर्को सरकार गठनका लागि मार्ग प्रसस्त गर्नु पर्ने माग अघि सारेका हुन् ।
नेकपा एमाले संसदिय दलका नेता राजेन्द्र रावल र नेपाली काँग्रेस संसदिय दलका नेता कमलबहादुर शाहद्धारा हष्ताक्षरित संयूक्त विज्ञप्तीमार्फत मुख्यमन्त्री सोडारीले बहुमत गुमाइसकेकाले अर्को सरकार गठनमा सहयोग गर्न आग्रह गरिएको छ ।
राष्ट्रिय सहमतिको सरकार गठन गर्दै अस्थिरताको अन्त्य, स्थायित्व, समृद्धि र विकासका लागि नेपाली काँग्रेस र नेकपा (एमाले) ले केपी शर्मा ओलीको नेतृत्वमा नयाँ संघीय सरकार गठनको पहलकदमी गरिरहेको छ । वर्तमान परिस्थितिमा सुदूरपश्चिम प्रदेशमासमेत राजनीतिक स्थायित्व, समृद्धि र विकासलाई तिव्रता प्रदान गर्ने उद्देश्यले नेकपा (एमाले) ले सोडारी नेतृत्वको सरकारबाट असार २० गते समर्थन फिर्ता लिई सकेको छ ।
नेपाली काँग्रेस सरकारमा नरहेको र नेकपा (एमाले) को संसदीय दलले सरकारवाट समर्थन फिर्ता लिइसके पश्चात वर्तमान सरकार अल्पमतमा रहेको छ ।
