सरिता कठायत, फागुन ४ गते ,डोटी : जिल्ला अस्पताल डोटीमा तीन जनाले रक्तदान गर्दा एक महिलाको ज्यान जोगिएको छ ।
उच्च रक्तस्रावका कारण जिल्ला अस्पताल डोटीमा भर्ना भएकी जिल्लाको शिखर नगरपालिका २ मुडेगाउँकी २२ वर्षकी चन्द्रा रावललाई तीन जनाले ‘बि’ पोजेटिभ तिन पिन्ट रगत दिएर ज्यान जोगाएको हो।
अस्पतालमा कार्यरत डाक्टर नीराजन श्रेष्ठ , वास नेपालका सदस्य श्याम खड्का र जय कडायतले ‘बि’पोजेटिभ तीन पिन्ट रगत सुत्केरी महिलालाई दिएका हुन् ।
नर्मल सुत्केरी भएकी रावललाई ६ घण्टा पछि एक्कासि अत्यधिक रक्तस्राव भएपछि मुडेगाउँ स्वास्थ्य चौकीबाट जिल्ला अस्पताल पठाएको मुडेगाउँ स्वास्थचौकीमा कार्यरत अनमि कल्पना विष्टले बताइन् ।
रगत अभावले ज्यान निक्कै जोखिममा रहेकोले आफूहरूले रक्तदान गरेको रक्तदाताहरूले बताए ।
