एकेन्द्र चन्द,चैत ३० गते ,धनगढी: कैलालीको धनगढीबाट एक जना वृद्ध व्यक्ति बेपत्ता भएका छन्। डोटीको जोरायल गाउँपालिका वडा नं. ५ बबनकट्टेका ६४ वर्षीय चक्रे पार्की गत यही चैत २१ गते बिहान देखि सम्पर्कविहीन भएका स्थानीय राम बहादुर देउबाले जानकारी दिनु भएको छ ।
पार्की धनगढी उपमहानगरपालिका वडा नं. ११ स्थित बेला छोरीको घरबाट बिहान करिब ९ बजेको समयमा निस्किएको र त्यसपछि बेपत्ता भएको परिवारले जनाएको छ।
बेपत्ता हुँदा उनले खैरो रंगको कोट (हापु), खैरो पाइन्ट, टाउकोमा टोपी तथा शरीरमा धागो (उपमाल) लगाएका थिए।
उनको हुलिया अनुसार गहुँगोरो वर्ण, करिब ५ फिट ५ इन्च उचाइ र मध्यम शरीर भएका छन्।
परिवारले उनलाई खोजी गरिदिन सबैमा अपिल गरेको छ। कसैले देखेमा वा जानकारी भएमा नजिकको प्रहरी कार्यालय वा परिवारका सदस्यलाई ९७६११८१२७४ मा सम्पर्क गरिदिन अनुरोध गरिएको छ।
