फागुन १२,डोटी: राष्ट्रिय स्वतन्त्र पार्टी डोटीले आसन्न प्रतिनिधि सभा सदस्य निर्वाचनलाई लक्षित गर्दै वाचापत्र सार्वजनिक गरेको छ। वाचापत्रमार्फत पार्टीले सुशासन, पारदर्शिता र जनउत्तरदायी सरकार निर्माणलाई प्राथमिकता दिएको छ।
पार्टीका अनुसार डोटी जिल्लाको समग्र विकास, रोजगारी सिर्जना, शिक्षा र स्वास्थ्य सेवाको गुणस्तर सुधार, भ्रष्टाचार नियन्त्रण तथा स्थानीय स्रोत–साधनको प्रभावकारी उपयोग बाचापत्रका मुख्य एजेन्डा रहेका छन्। साथै युवाको सहभागिता बढाउने, सेवाग्राहीमैत्री प्रशासन विकास गर्ने र विकास निर्माणमा राजनीतिक हस्तक्षेप अन्त्य गर्ने प्रतिबद्धता व्यक्त गरिएको छ।
राष्ट्रिय स्वतन्त्र पार्टी डोटीले बाचापत्र कार्यान्वयनमार्फत जनताको भरोसा जित्ने र सरकारलाई सक्षम तथा जवाफदेही बनाउने लक्ष्य लिएको जनाएको छ। राष्ट्रिय स्वतन्त्र पार्टीका तर्फबाट डोटी जिल्लाबाट नरेन्द्र बहादुर खड्का प्रतिनिधि सभा सदस्यका उम्मेदवार रहेका छन्।
वाचापत्रको पूर्णपाठ यस्तो रहेको छ।
