सुबास नेपाली ,जेठ,१३ डोटी :आदर्श गाउपालिकाका बालकल्बका बालबालिकाहरुले आदर्श गाउपालिकालाई मागपत्र बुझाएका छन।
अहिलेको समयमा बालबालिकाहरु लागू औषध दुर्ब्यसनिको सिकार भैरहेको र बाल विवाह भैरहेको भन्दै त्यसको रोकथाम तथा न्यूनीकरण गर्नु पर्ने माग राख्दै आदर्श गाउपालिकाका अध्यक्ष गणेश खडकालाई ९ बुदे माग पत्र बुझाएका हुन।
आफ्नो पालिकामा लागू औषध दुर्ब्यसनि र बाल बिबाहका घटना बढिरहेको भन्दै आर्थिक वर्ष २०२/८३ को नीति तथा कार्यक्रममा सम्बोधन गरिदिन माग पत्र बुझाईएको आदर्श गाउपालिकाका बाल क्लब अध्यक्ष प्रेम पाठकले बताउनुभयो ।
माग पत्र बुझ्दै अध्यक्ष गणेश बहादुर खडकाले लागू औषध दुर्ब्यसनी अहिलेका बालबालिकाहरुको मुख्य समस्या भएको र त्यसको रोकथाम र न्यूनीकरणकालागी पालिक सकारात्मक रहेको र बालबालिका रोक्न आफ्नो पालिका प्रतिबद्ध रहेको बताउनुभयो ।
अध्यक्ष खडकाले बालबालिकाका माग सम्बोधन गर्न आफू तयार रहेको पनि बताउनुभयो ।
वर्ड भिजन इन्टरनेशनल नेपालको आर्थिक सहयोग तथा समान पहुँच बिकास केन्द्रको सहयोगमा आयोजित गाउपालिका स्तरिय बालबालिकाहरुको नेतृत्व बिकास फोरम कार्यक्रमा आदर्श गाउपालिकाका ७ वटै वडाका बाल क्लबबाट ४४ जना बालबालिका सहभागी भएको कार्यक्रममा बालबालिकाका मुख्य समस्या पहिचान गरि माग पत्र बुझाइएको समान पहुँच बिकास केन्द्रका परियोजना संयोजक सुनिल जोशीले जानकारी दिनुभयो।
