कार्तिक २८ गते ,दिपायल : ब्रह्मा कुमारी ईश्वरीय विश्व विद्यालयको दिपायलको पिपल्लामा भवनको शिलान्यास गरिएको छ ।
बुधवार एक कार्यक्रमका बिच दिपायल सिलगढी नगरपालिका – ४ दिपायल पिपल्ला बजार नजिक भवनको शिलान्यास गरीएको हो ।
ब्रह्मा कुमारी ईश्वरीय विश्व विद्यालय एवं राजयोग प्रशिक्षण केन्द्र नेपाल संस्थाकी केन्द्रीय अध्यक्ष, निर्देशक तथा नेपालकै प्रथम ब्रह्माकुमारी राजयोगीनि ब्रह्मा कुमारी परनिता दिदीले भवनको शिलान्यास गर्नु भएको हो ।
भवन शिलान्यासका कार्यक्रममा जिल्ला समन्वय समितिका प्रमुख लक्ष्मण बहादुर सिंह, दिपायल सिलगढी नगरपालिकाका नगरप्रमुख बाजि सिंह खड्का , शिखर नगर पालिकाका नगर प्रमुख दीर्घ बहादुर बलायर , उप प्रमुख सुनिता रावल , ब्रह्मा कुमारी ईश्वरीय विश्व विद्यालयका केन्द्रीय महासचिव शैलेश बराल , ब्रह्मा कुमारी ईश्वरीय विश्व विद्यालय सुदूर पश्चिम प्रमुख हिरा दिदी, ब्रह्मा कुमारी ईश्वरीय विश्व विद्यालय राजपुरी प्रमुख सञ्चालिका जानकी दिदी,विभिन्न शाखाका प्रमुख सञ्चालिका, पत्रकार , समाजसेवी , नागरिक समाज , लगायतको शिलान्यास कार्यक्रममा उपस्थिति रहेको हो ।
जिल्लाको राजपुर र सिलगढीमा ब्रह्माकुमारी ईश्वरीय विश्व विद्यालयको शाखा सञ्चालनमा रहेका छन् ।
