कार्तिक १७ गते ,डोटी :रोयल राजपुर क्रिकेट क्लबको आयोजनामा खप्तड रङ्गशाला, राजपुरमा सञ्चालित दोस्रो संस्करणको प्रदीप सिंह स्मृति कप क्रिकेट प्रतियोगिता २०८१ को समापन फाइनल खेल सम्पन्न भएको छ ।
शुक्रवार फाइनलमा दिपायल सिलगढी नगरपालिका वडा नं. ५ ले शिखर नगरपालिका सँग ३ विकेटले जित हासिल गरेको छ । १४.५ ओभरमा १० विकेटको क्षेतीमा ९५ रन दिएको शिखरले १२.४ ओभरमा ७ विकेटको क्षेतीमा दिपायल सिलगढी नगरपालिका ५ ले जित निकालेको हो ।
म्यान अफ द म्याच सर्वाधिक ५५ रन ३ विकेट लिएका दीपेन्द्र मल्ल भएका थिए भने म्यान अफ द सिरिज पनि आफ्नै नाममा राख्न सफल भएका छन् ।
जित सँगै दिपायल सिलगढी नगर पालिका वडा नम्बर ५ ले १ लाख ११ हजार एक सय एघार रुपैयाँ सहित प्रथम भएको छ । त्यस्तै शिखर नगरपालिकाले ५१,१११ रुपैयाँ सहित दोस्रो हुन सफल भएको छ ।
खेल अवधिभर उत्कृष्ट ब्याटमानको उपाधि आयुस खड्काले जितेका छन् । खेल अवधि भर उनी मात्र शतक हाल्ने खेलाडी हुन् ।
उत्कृष्ट बलरको उपाधि पुष्कर बलायरले जितेका छन् भने कार्तिक ९ बाट सुरु भएको प्रतियोगिता शुक्रवार एक कार्यक्रमका बिच सम्पन्न गरिएको हो ।
