कात्तिक ८, बाजुरा : बाजुरामा मोटरसाइकल दुर्घटना हुँदा एक जनाको मृत्यु भएको छ । गएराति जगन्नाथ गाउँपालिका – ५ भुकाखोला नजिकै कर्णाली प्रदेशको ४८१ नम्बरको मोटरसाइकल दुर्घटना हुँदा सान्नी त्रिवेणी गाउँपालिका – ८ मुम्रा कालिकोटका २९ वर्षीय खेमराज बुढाको मृत्यु भएको हो ।
दुर्घटनामा मोटरसाइकलको पछाडि सवार बाजुराको जगन्नाथ गाउँपालिका – ४ नाराकोटका ३७ वर्षीय खडक भण्डारी घाइते भएको जिल्ला प्रहरी कार्यालय बाजुराले जनाएको छ ।
घाइते भण्डारीको जगन्नाथ गाउँपालिकाको दश शय्या अस्पतालमा उपचार भइरहेको छ । मृतकको शवलाई कालिकोट पठाइएको प्रहरीले जनाएको छ ।
