असोज ४, डोटी : डोटीमा बोलेरो जिप दुर्घटनामा परेको छ । शुक्रवार बिहान करिब साढे १० बजेको समयमा उडितोलाबाट दिपायलतर्फ आउँदै गरेको से १ ज २७१ नम्बरको जिप पैयुभञ्याङ नजिकै नालीमा खसेको हो ।
पुर्विचौकी गाउँपालिका ४ सानागाउँ बस्ने चालक अनिल खड्काले चलाएको जिप दुर्घटना हुँदा जिपमा सवार चार जना घाइते भएको जिल्ला प्रहरी कार्यालय डोटीका निमित्त प्रमुख डिएसपी भिमलाल भट्टराईले जानकारी दिए ।
घाइतेहुनेहरुमा दिसिनपा – बस्ने बर्ष १५का शितल खड्का ,सोही ठाँउ बस्ने बर्ष १६ कि सिर्जना खड्का , बर्ष १७ कि पार्वती खड्का र पुर्बीचौकी -३ बस्ने बर्ष १८ का खेम चयडा घाइते भएको डिएसपी भट्टराईले बताए ।
घाइतेहरूको जिल्ला अस्पताल डोटीमा उपचार भइरहेको र अवस्था सामान्य रहेको उनले बताए ।
ब्रेक फेल भइ जिप दुर्घटनामा परेको प्रहरीले जनाएको छ ।
