भाद्र २२, डोटी :डोटीमा पहिरोमा परी एक महिलाको मृत्यु भएको छ भने एक बालिका घाइते भएकी छन् ।
मृत्यु हुनेमा आदर्श गाउँपालिका ३ आगरका शेर बहादुर ऐरकी आमा वर्ष ६१ कि कौमती देवी ऐर रहेको र घाइते हुनेमा शेर बहादुरकी छोरी अन्दाजी १०/१२ वर्षकि भुवनेश्वरी ऐर रहेको सो वडाका अध्यक्ष दिपेन्द्र प्रसाद पाठकले जानकारी दिए ।
मृतक कौमती देवी नातिनी सहित आफ्नो घरबाट आदर्श गाउँपालिका ६ सौकल्लामा माइति घर जाँदै थिइन् ।
उनिहरु आदर्श गाउँपालिका – ३ कै उन्ने ओडार भन्ने ठाउँमा बाटो माथिबाट आएको पहिरोमा परेको जनाईएको छ ।
घटना शनिबार बिहान १० बजे तिर भएको बताईएको छ । घटनाबारे थप बुझ्ने कार्य भैरहेको जिल्ला प्रहरी कार्यालय डोटीले जनाएको छ ।
