भदौ २१ गते, डोटी :डोटीमा घाँस काट्ने क्रममा भिरबाट लडेर एक जनाको मृत्यु भएको छ । बिहीबार जिल्लाको सायल गाउँपालिका – १ का पुजारा गाउँ बस्ने गोमि पुजाराका अन्दाजी २० वर्षका टेक बहादुर पुजाराको घर नजिकैको जर्गे सामुदायिक वनमा घाँस काट्ने क्रममा भिरबाट लडेर मृत्यु भएको हो ।
पुजाराको बिहीबार दिउँसो १ बजेतिर घाँस काट्ने क्रममा भिरबाट लडेर घटनास्थलमा मृत्यु भएको जिल्ला प्रहरी कार्यालय डोटीले जनाएको छ । घटनाको थप अनुसन्धान भइरहेको प्रहरीले जनाएको छ ।
मृतक पुजारा पदम पब्लिक मुक्तिनारायण माध्यमिक विद्यालयबाट कक्षा १२ को परिक्षामा पास भएर अहिले घरमा बसिरहेका थिए ।
