Sujang

इजाजत प्राप्त हतियार बुझाउन डोटी प्रशासनको निर्देशन

प्रकाश बम,असोज,१४ गते –इजाजत प्राप्त हातहतियार बुझाउन जिल्ला प्रशासन कार्यालय डोटीले निर्देशन दिएको छ।

आगामी मंसिर ४ गते हुने प्रतिनिधि सभा र प्रदेश सभाको निर्वाचनलाई शान्तिपूर्ण र भयरहित वातावरणमा सम्पन्न गर्न इजाजत प्राप्त सबै हतियार बुझाउन प्रशासनले निर्देशन दिएको हो।

प्रशासनले एक सूचना जारी गर्दै कार्तिक ५ गते भित्र आ-आफ्नो नजिकको प्रहरी कार्यालयमा हातहतियार बुझाउन सार्वजनिक रूपमा सूचना प्रकाशित गरिएको प्रमुख जिल्ला अधिकारी कल्पना श्रेष्ठले बताइन्।

उनका अनुसार प्रहरी कार्यालयमा बुझाएका हतियार सुरक्षित राखिने र निर्वाचन सम्पन्न भएपश्चात् सम्बन्धित धनीलाई एक हप्ता भित्र फिर्ता गरिने प्रसाशनले जनाएको छ।

कोही–कसैले बिनाइजाजतका भरूवा तथा एअर गन राखेको भए पनि स्वत:स्फूर्त रूपमा नजिकको प्रहरी कार्यालयमा बुझाउन प्रशासनले सूचित गरेको छ।

निर्धारित समयभित्र नबुझाई अटेर गरेको पाइएमा त्यस्ता व्यक्तिको हातहतियार खोजतलास गरी कानुनबमोजिम कारबाही गरिने प्रशासनले जनाएको छ।

Ki Singh Doti Another
Salmuni
Leave A Reply

Your email address will not be published.