Sujang

नेपालीहरूको महान चाड बडा दसैं शुरु, आज घटस्थापना

नेपालीहरूको महान चाड बडा दसैं सोमबार `आज´बाट सुरु भएको छ। प्रत्येक वर्ष आश्विन शुक्ल प्रतिपदादेखि सुरु भएर आश्विन शुक्ल पूर्णिमासम्म १५ दिने धुमधामसँग मनाइने दसैंको पहिलो दिन आज घरघरमा विधिपूर्वक दियो, कलश र गणेश स्थापना सहित घटस्थापना गरिँदैछ।

घरको पूजा कोठा वा दसैं घरमा वैदिक विधिपूर्वक शक्तिकी अधिष्ठात्री देवी दुर्गाको आह्वान गरी पूजा आरम्भ गरिन्छ।

सोमबार बिहानै नित्यकर्म समाप्त गरी नजिकको नदी वा चोखो स्थलबाट बालुवा वा माटो ल्याई गाईको गोबरले लिपपोत गरिएको पूजा कोठा अथवा दसैं घरमा विधिपूर्पक राखेर त्यसमाथि यव अर्थात् जौँ रोप्ने गरिन्छ। यस कार्यलाई जमरा राख्ने पनि भनिन्छ।

सोमबारदेखि नौ दिनसम्म देवीको आरधना गरी १०औं दिन विजया दशमीको दिन प्रसाद मानेर जमरा लगाउने गरिन्छ। घटस्थापनाको साइत बिहान १०:२३ मिनेटमा तय गरिएको छ। बिहान ९:१५ देखि १०:२३ सम्मको समय घटस्थापनाको लागि शुभ समय निर्धारण गरिएको छ।

केही व्यक्तिले सामूहिक र देवी मन्दिरमा पनि घटस्थापना गर्ने गर्दछन्। सोमबारदेखि नौ दिनसम्म महाकाली, महालक्ष्मी, र महासरस्वती माताको विशेष आरधना गर्ने गरिन्छ।

सोमबारदेखि देशभरका देवी मन्दिरमा दर्शनार्थीको घुँइचो लाग्ने गर्दछ। देवी मन्दिरमा दर्शनार्थी परिक्रमा दर्शन गर्ने गर्दछन्।

Salmuni
Leave A Reply

Your email address will not be published.