असोज, ९ गते, डोटी – बिजया दसमी तथा शुभ दिपावलीको पावन अवसरमा डोटीमा भइरहेको प्रदेश स्तरिय खप्तड-शैलेश्वरि गोल्ड कप २०७९ अन्तर्गत भएको खेलमा कैलाली र भैरब प्रसाद गण फाइनलमा पुगेको छ।
आइतबार सेमिफाइनलका लागी भएको खेलमा कैलालीले डडेल्धुरालाई ३-१ गोलले पराजित गर्दै कैलाली फाइनलमा प्रवेश गरेको हो।
त्यस्तै शनिबार डोटी र भैरव प्रसाद गण बिच भएको सेमिफाइनल खेलमा भैरव प्रसाद गणले डोटीलाई ५ -२ गोलले पराजित गर्दै फाइनलमा प्रवेश गरेको थियो।
सोमबार हुने फाइनल खेलकालागी भैरव प्रसाद गण र कैलाली बिच प्रतिस्पर्धा हुने छ।
गोल्ड कपमा प्रथम हुनेलाई १ लाख, दोस्रो हुनेलाई ५० हजार सहित ट्रफि र प्रमाणपत्र प्रदान गरिने छ।
