Sujang

दिपायल सिलगढी नगरपालिकाद्वारा अन्तर्राष्ट्रिय महिला दिवस मनाइयो

दिपायल :डाेटीकाे दिपायल सिलगढी नगरपालिकाको आयोजनामा ११३ औं अन्तर्राष्ट्रिय महिला दिवस विभिन्न कार्यक्रम गरी मनाइएको छ ।
“लैङ्गिक समानताको बलियो आधार: सिर्जनात्मक प्रविधिमा महिला पहुँचको विस्तार” भन्ने मूल नाराका साथ बुधवार दिपायल एर्पाेट बजारमा र्‍याली ,बाजागाजा सहित  नगरपालिकाको वडा न ३ स्थित दिल्पेश्वर मठ नजिक खेलमैदानमा औपचारिक कार्यक्रम गरिएको हो ।
दिवसको अवसरमा नगर स्तरीय सन्देशमूलक डेउडा कार्यक्रम गरिएको थियो । कार्यक्रममा नगरका सम्पूर्ण वडाका महिलाहरूले आ-आफ्नो वडाबाट भेसभुसामा  पहिरन सहित सन्देश मूलक डेउडा  गीत गाएर डेउडा खेलेका थिए ।
डेउडा कार्यक्रममा भागलिने १ देखि ९  वडाका प्रत्येक टिमलाई प्रमाणपत्र सहित जनही नगत दस हजार पुरस्कार वितरण गरिएको आयोजकले जनाएको छ  ।
जिल्लामा रहेका विभिन्न सहयोगी संघ संस्थालाई प्रमाणपत्र प्रदान गरिएको थियो ।
समाजलाई अगाडि बढाउन समाजमा रहेका कुसंस्कार हटाइ महिलालाई अगाडि बढाउन नगर सरकारले विशेष भूमिका खेल्ने दिपायल सिलगढी नगरपालिकाका नगरप्रमुख बाजि सिंह खड्काले बताए ।                           
दिवसले महिलाहरूको क्षमता अभिवृद्धिमा सहयोग पुग्ने प्रमुख खड्काले बताए ।
                                                                समाजमा रहेका लैङ्गिक हिंसा,बालविवाह,बहुविवाह, महिला हिंसा लगायतका विभिन्न घटनाहरूको अन्त्य गर्न सबै निकायले भूमिका खेल्नु पर्ने प्रमुख  जिल्ला अधिकारी कल्पना श्रेष्ठले बताइन्  ।
महिलाहरूले आफ्ना भावना, वेदनाहरूलाई देउडा गीत मार्फत प्रस्तुत गरेको भन्दै  दिपायल सिलगढी नगरपालिका नगर उप- प्रमुख कल्पना महर साउँदले सम्पूर्ण महिलाहरूलाई धन्यवाद ज्ञापन साथ शुभकामना दिइन्। उनले भनिन्,´आगामी दिनमा महिलाहरुको हक ,अधिकार , क्षमता अभिवृद्धि , आयआर्जनका कार्यक्रममा विशेष जोड दिनेछौँ ।`
कार्यक्रममा जिल्ला स्थित सरकारी तथा गैरसरकारी संस्थाका प्रमुख प्रतिनिधि ,राजनीति दल ,स्थानीय कलाकार ,पत्रकार, नागरिक समाज , महिला समूह, महिला अधिकारकर्मी लगायत स्थानीयको उल्लेख उपस्थिति रहेको थियो ।
उक्त कार्यक्रमको सञ्चालन  रेडियोकर्मी रश्मि कुँवरले गरेकी थिइन् ।
Ki Singh Doti Another
Salmuni
Leave A Reply

Your email address will not be published.