भदौ २५ गते डोटी -अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) डोटीले स्वास्थ्य शिविर सञ्चालन गरेको छ । शनिबार जिल्ला अस्पताल डोटीको सहयोगमा अखिल (क्रान्तिकारी )डोटीले सहिद स्मृति आवासीय माद्यामीक विद्यालय राजपुर डोटीमा स्वास्थ्य शिविर सञ्चालन गरेको हो ।
विद्यालयमा अध्ययनरत विद्यार्थीहरूको स्वास्थ्य परिक्षण गराउने उदेश्यले शिविरको आयोजना गरिएको अखिल (क्रान्तिकारी ) केन्द्रीय सदस्य गणेश बमले बताए । शिविर कार्यक्रमको अध्यक्षता अखिल (क्रान्तिकारी ) डोटीका अध्यक्ष प्रकाश जोशीले गरेका थिए ।
स्वास्थ शिबिरमा सेती प्रादेशिक अस्पताल व्यवस्थापन सदस्य डिल्लिराज भट्ट, अखिल(क्रान्तिकारी ) का केन्द्रिय सदस्य गणेश बम, जिल्ला अस्पताल डोटीका मेडिकल सुपरिटेन्डेन्ट डा.निराजन श्रेष्ठ तथा विद्यालयका प्राधानाध्यापक प्रमानन्द जोशी लगायतको सहभागी रहेको थियो । शिविरमा विद्यालयका विद्यार्थीको स्वास्थ्य परिक्षण गरिएको छ ।
