Sujang

स्वःमूल्यांकनमा मंगलसेन ६७ दशमलव २५ प्रतिशत अंक प्राप्त गर्न सफल

अछामको मंगलसेन नगरपालिकाले आफ्नो स्वःमुल्याँकन नतिजा सार्वजनिक गरेको छ । नगरले आर्थिक बर्ष २०७८र०७९ मा सम्पादन गरेका क्रियाकलापहरुको कार्यप्रक्रिया र उपलब्धिहरुको लेखाजोखा गरि स्वःमूल्यांकन नतिजा सार्वजनिक गरिएको हो ।

स्वःमुल्यांकनका क्रममा नगरपालिकाले जम्मा ६७ दशमलव २५ प्रतिशत अंक प्राप्त गरेको छ । बिषयक्षेत्र अनुसार १० शिर्षकमा स्वःमुल्यांकनको नतिजा सार्वजनिक गरिएको नगरपालिकाका प्रमुख प्रशासकीय अधिकृत खकेन्द्र बहादुर सोडारीले बताए। स्थानीय तह संस्थागत क्षमता स्वःमुल्याङ्कन कार्यविधि २०७७ ९संशोधन, २०७८० बमोजिम स्वःमुल्याङ्कन गरि प्राप्त नतिजा सार्वजनिक गरिएको उहाँको भनाई छ ।

विषयक्षेत्र अन्तरगत नगरले शासकीय प्रबन्धमा ८८ दशमलव ८९, संगठन तथा प्रशासनमा ९६ दशमलव ८८, वार्षिक बजेट तथा योजना व्यवस्थापनमा ६८ दशमलव १८, वितीय एंवम आर्थिक व्यवस्थापनमा ८८ दशमलव ६४ प्रतिशत अंक प्राप्त गरेको छ ।

यस्तै सेवा प्रवाहमा ९३ दशमलव ७५ प्रतिशत, न्यायिक कार्यसम्पादनमा ८५ दशमलव ७१, भौतिक पूर्वाधारमा ४२ दशमलव ३१, सामाजिक समावेशीकरणमा २७ दशमलव ५, वातावरण तथा विपद व्यवस्थापनमा ४४ दशमलव ४४ र सहकार्य तथा समन्वयमा १६ दशमलव ६७ प्रतिशत अंक प्राप्त गर्न नगरपालिका सफल भएको छ ।

आर्थिक वर्ष २०७६र०७७ देखि नगरपालिकाले लिजा अन्तरगत स्वःमुल्यांकन कार्य थालनी गरेको र निरन्तर स्वमूल्याँकन नतिजा प्रकाशन गर्ने गरेको नगरपालिकाका सूचना अधिकारी विष्णुप्रसाद जैसीले जानकारी दिए।

गत वर्ष मंगलसेन नगरपालिका राष्ट्रिय प्राकृतिक स्रोत तथा बित्त आयोगले गरेको ७५३ वटै स्थानिय तहको कार्यसम्पादन मुल्यांकनबाट ७३।९९ अंक सहित देशभरमा ११ औं स्थान, सुदूरपश्चिम प्रदेशमा ५ औँ स्थान र अछाम जिल्लामा पहिलो स्थानमा आएको थियो ।

Ki Singh Doti Another
Salmuni
Leave A Reply

Your email address will not be published.