गणेश मौनी,असोज १५ डोटी –खैरो हिरोईन जस्तो देखिने लागु औषध सहित डोटीमा शुक्रबार एक जना पक्राउ परेका छन् ।
कैलालीको धनगढीबाट डोटीको दिपायल पुगेको सु.प.प्र.०१००१ ख २८२६ नम्बरको बसमा सोही बसको चालक डोटी बडीकेदार गाउँपालिका वडा नम्बर १ घर भएका बर्ष २९ को खडक बहादुर कलेललाई ३ ग्राम ८३ मिलिग्राम खैरो हिरोइन जस्तो देखिने लागु औषध सहित प्रक्राउ गरेको जिल्ला प्रहरी कार्यालय डोटीका सुचना अधिकारी प्रहरी नायब उपरिक्षक भोला भट्टले बताए ।
लागु औषध खैरो हिरोईन बोही ल्याउदैछ भन्ने गोप्य सुचनाको आधारमा ईलाका प्रहरी कार्यालय दिपायलबाट खटीएको प्रहरी टोलीले शुक्रबार पिपल्ला बजारमा प्रक्राउ गरेको थियो ।
जिल्ला प्रहरी कार्यालय डोटीले शनिबार प्रेस विज्ञप्ती जारी गर्दै चालक कलेल र निजले चलाईरहेको सु.प.प्र.०१००१ ख २८२६ नम्बरको बस प्रहरीले नियन्त्रणमा लिई लागु औषध नियन्त्रण ऐन २०३३ बमोजिम कार्बाहिको लागि थप अनुसन्धान भईरहको समेत जनाएको छ।
