भदौ २०, डोटी : नेकपा (माओवादी केन्द्र) पार्टी निकट अनेरास्ववियू (क्रान्तिकारी) डोटीको अध्यक्षमा पूर्ण बहादुर बोहरा चयन भएका छन् । बुधवार सिलगढीमा सम्पन्न ८ औँ जिल्ला सम्मेलनबाट बोहराको नेतृत्वमा ३१ सदस्यीय जिल्ला समिति निर्विरोध चयन भएको हो ।
त्यस्तै जिल्ला समितिको उपाध्यक्षमा देव मल्ल, इन्द्र डुम्रेल र मुना विष्ट, सचिवमा हेमन्त गड्सिला, सहसचिवमा टेकराज भट्ट, सुस्मिता मल्ल र करन गड्सिला तथा कोषाध्यक्षमा दुर्गा धामी चयन भएका छन् ।
