Sujang

सानीमा रिलाइन्स इन्स्योरेन्सद्वारा साढे दुई लाख मृतक दाबी भुक्तानी रकम हस्तान्तरण

जेठ २५ गते डोटी : सानीमा रिलाइन्स इन्स्योरेन्स दिपायल शाखाले  दिपायल सिलगढी नगरपालिका -१  तिखाकी शारदा देवी खड्कालाई मृतक दाबी भुक्तानी रकम हस्तान्तरण गरेको छ । शुक्रवार दिपायल सिलगढी नगरपालिका नगर उप प्रमुख कलावती महर साउँले उनकी आमालाई २ लाख ४९ हजार नौ सय तेत्तीस रुपैयाँको चेक हस्तान्तरण गरेकी हुन् ।

सारदाका २१ वर्षीय छोरा दीपक बहादुर खड्काको गत फागुन १६ गते ब्लड क्यान्सरका कारण मृत्यु भएको थियो । मृतक खड्काले सानिमा रिलाइन्स इन्स्योरेन्स कम्पनीमा ३ लाख बराबरको बिमा गरेका थिए । मृतक खड्काले २ किस्ता मात्र बिमा भरेका थिए ।

सानिमा रिलान्स इन्स्योरेन्स कम्पनी दिपायलका शाखाका प्रबन्धक डिक महराले मृतक दाबी भुक्तानी रकमले केही मात्रामा मृतकका परिवारलाई  राहत पुग्ने बताए ।

Ki Singh Doti Another
Salmuni
Leave A Reply

Your email address will not be published.