जेठ ९,धनगढीः डोटीका दुईसहित ३ जना कैलालीबाट लागूऔषधसहित पक्राउ परेका छन्। कैलालीको गोदावरी नगरपालिकाको धनगढी रोडबाट धनगढी उपमहानगरपालिका-३ बस्ने २० वर्षीय रोहन घिमिरे, डोटीको शिखर नगरपालिका-४ बस्ने २० वर्षीय रोशन खड्का र दिपायल सिलगढी नगरपालिका-३ बस्ने १९ वर्षीय ललित नाथ पक्राउ परेका हुन्।
तीनै जनालाई १ ग्राम १०० मिलिग्राम लागूऔषध (खैरो हेरोईन) र नाईट्राभेट ट्याबलेट–७ सहित मंगलवार नियन्त्रणमा लिएर थप अनुसन्धान गरिरहेको जिल्ला प्रहरी कार्यालय कैलालीले जनाएको छ।
