डोटी :नेकपा एमालेका तत्कालीन महासचिव स्व.मदन भण्डारीको जन्मजयन्तीको अवसरमा जिल्ला अस्पताल डोटीमा रहेका बिरामीहरुलाई फलफुल बितरण गरिएको छ । विहिबार मदन भण्डारी फाउन्डेसनको आयोजनामा अस्पतालमा बेड भर्ना भएका बिरामीलाई फलफुल हस्तान्तरण गरिएको मदन भण्डारी फाउण्डेसनका डोटी अध्यक्ष लक्ष्मण मलासीले बताए ।
जयन्तीका अवसरमा मदन भण्डारी फाउन्डेसनले नेकपा एमालेको डोटीको पार्टी कार्यालयमा बिचार गोष्ठी समेत गरेको थियो । विक्रम संवत् २००९ असार १४ गते ताप्लेजुङको ढुङ्गेसाँघुमा जन्मिएका भण्डारीको २०५० जेठ ३ गते चितवनको दासढुंगामा दुर्घटनामा परी निधन भएको थियो ।
