सिलगढी: डोटी जेसीज २०२३ क अध्यक्षमा जेसी हिक्मत साउद निर्वाचित भएका छन् । आईतबार दिपायलमा सम्पन्न शाखाको १०औं अधिवेशनबाट साउदको नेतृत्वमा जिल्ला कार्यसमिति सर्वसम्मत निर्वाचित गरिएको हो ।
डोटी जेसीज २०२३ का लागि कार्यकारी उपाध्यक्षमा डिल्लीराज जोशी र हरी भण्डारी निर्वाचित भएका छन् । त्यस्तै महासचिवमा किरण विष्ट, कानुनी सल्लाहकारमा प्रविन उपाध्याय र कोषाध्यक्षमा रोशन कठायत निर्वाचित भएका छन् ।
त्यस्तै उपाध्यक्षमा भरत कठायत, नन्दन सिंह कार्की, केशव धामी र निर्वाचत भएका छन् ।
सदस्यहरुमा टेक बहादुर ठकुल्ला, खडक बोहरा लगायत ३३ सदस्यीय कार्यसमिति निर्वाचित भएको वर्ष २०२२ का महासचिव रोशन कठायतले बताए ।
वर्ष २०२२ का अध्यक्ष गणेश कठायतले अध्यक्षतामा सम्पन्न अधिवेशनमा जिल्ला समन्वय समिति डोटीका संयोजक लक्ष्मण सिंह प्रमुख अतिथि रहेका थिए ।
कार्यक्रममा नेपाली काँग्रेसका कार्यवाहक सभापति नारायण जोशी, महाधिवेशन प्रतिनिधि जीत खड्का, लाल विक, डोटी जेसीजका पूर्व अध्यक्षहरु रघु कठायत निर्मला खत्री लगायत जेसीज पर्षदहरुको सहभागिता रहेको थियो ।
