डोटीको जोरायलमा एक पुरुष मृत अवस्थामा फेला परेका छन् ।
जोरायल गाउँपालिका ३ तोडेगडाका अन्दाजी ६० वर्षका हिरालाल ओली मृत फेला परेका हुन् ।
भारतको सिम्लामा काम गर्दै आएका ओली निर्वाचनमा मतदानका लागि घर फर्किने क्रममा जोरायल गाउँपालिका ३ चन्कट्टे नजिकै सेरी बर्बरा खेतमा बिच बाटोमा मृत भेटिएका मृतक ओलीका साला लाल बहादुर थापाले बताए ।
अहिले ईलाका प्रहरी कार्यालय जोरायलका सइ गंगाराम टमाटा नेतृत्वको टोली घटनास्थल पुगेको छ भने बुडरबाट इन्स्पेक्टर देवेन्द्र जोशीको टोली पनि घटनास्थलतर्फ गईरहेको छ ।
उनको साथमा झोला सहितको प्लास्टिकको बोरा र नजिकै मदिराको बोत्तल पनि रहेकोले मदिरा सेवन गरि राती जाडोले कठ्याङ्रीएर मृत्युु भएको हुनसक्ने अनुमान गरिएको छ ।
घटना राती करिब ९ बजे पछाडी भएको हुनसक्ने स्थानीयले अनुमान गरेका छन् ।
