अत्तरिया – नेपाली कांग्रेसका सुदूरपश्चिम प्रदेश सभापति तथा कैलाली क्षेत्र नम्बर ४ का प्रतिनिधि सभा सदस्यका उम्मेदवार वीरबहादुर बलायरले मुक्तकमैया शिविर र दलित बस्तीमा पुगेर भाइटिका पर्व मनाएका छन । उनले मुक्तकमैया शिविर र दलित बस्तीमा दिदी, बहिनीको हातबाट टिका लगाएर भाइटिका पर्व मनाएका हुन ।
बिहिबार उनी कैलालीको गोदावरी नगरपालिका – ५ बरबट्टा र वडा नम्बर ९ को धनचौरी मुक्त कमैया शिविर पुगेका थिए ।
उनले थारु पहाडी, दलित, गैरदलित सबै समान र एउटै परिवारका हौ भन्ने सन्देश दिनका लागि सामुहिक रुपमा टिका लगाएको बताए ।
‘कुनै पनि जाती समुदायमा विभेद छैन भन्ने सन्देश दिन सबै समुदायका दिदीबहिनीको हातबाट टिका लगाए भाइटिका मनाएको हुँ’ उनले भने ‘अवका दिनमा चुनाव जितेपछि पनि यसरीनै सबैलाई समान रुपमा हेर्ने सन्देश दिन मुक्तकमैया, दलित बस्तीमा टिका लगाएको हुँ ।’
